ഇന്ത്യന്‍ ഇതിഹാസം മില്‍ഖാ സിങിന്റെ നില തൃപ്തികരം

മുംബൈ: ഇന്ത്യന്‍ ഇതിഹാസ അത്‌ലറ്റ് മില്‍ഖാ സിങിന്റെ ആരോഗ്യനില തൃപ്തികരമെന്ന് റിപ്പോര്‍ട്ട്. 91 കാരനായ മില്‍ഖാ സിങിന് കൊവിഡിനൊപ്പം ന്യൂമോണിയയും ബാധിച്ചിരുന്നു.തുടര്‍ന്ന് അദ്ദേഹം ഐസിയുവില്‍ ആയിരുന്നു. രണ്ട് ദിവസം മുമ്പ് ആരോഗ്യസ്ഥിതി വഷളായിരുന്നു. എന്നാല്‍ അപകടനില തരണം ചെയ്തുവെന്നും മില്‍ഖാ സിങ് പൂര്‍ണ്ണ സുഖം പ്രാപിച്ചുവരുന്നുവെന്നും ആശുപത്രി അധികൃതര്‍ അറിയിച്ചു. അതിനിടെ കൊവിഡ് ബാധിച്ച മില്‍ഖാ സിങിന്റെ ഭാര്യ നിര്‍മ്മല്‍ കൗറിനെ ആശുപത്രിയില്‍ പ്രവേശിപ്പിച്ചിട്ടുണ്ട്. 1960ല്‍ ഒളിംപിക്‌സിലെ 400 മീറ്റര്‍ ഓട്ടത്തില്‍ മില്‍ഖാ സിങ് നാലാം സ്ഥാനത്ത് ഫിനിഷ് ചെയ്തിരുന്നു. ഒളിംപിക്‌സ് ഫൈനലില്‍ പ്രവേശിച്ച ആദ്യ ഇന്ത്യന്‍ താരമായിരുന്നു മില്‍ഖാ സിങ്. കൂടാതെ അദ്ദേഹത്തിന്റെ 1960ലെ ദേശീയ റെക്കോഡ് 40 വര്‍ഷം തകര്‍ക്കാതെ നിലനിന്നിരുന്നു.