ഇറ്റലിയില്‍ മിലാനുകള്‍ കുതിക്കുന്നു; യുവന്റസ് താഴോട്ട്

മിലാന്‍: ഇറ്റാലിയന്‍ സീരി എയില്‍ മിലാന്‍ ക്ലബ്ബുകള്‍ കുതിപ്പ് തുടരുന്നു. ഇന്ന് നടന്ന മല്‍സരങ്ങളില്‍ എ സി മിലാനും ഇന്റര്‍മിലാനും തകര്‍പ്പന്‍ ജയം സ്വന്തമാക്കി. ജയത്തോടെ ഇരുടീമും ഒന്നും രണ്ടും സ്ഥാനങ്ങളില്‍ തുടരുന്നു. ലാസിയോയെ 3-2ന് തോല്‍പ്പിച്ചാണ് മിലാന്റെ അപരാജിത കുതിപ്പ് തുടരുന്നത്. റെബിക്ക്, കാല്‍ഹാങ്‌ളൂ, ഹെര്‍ണാണ്ടസ് എന്നിവരാണ് മിലാന്റെ ഗോളുകള്‍ നേടിയത്. ഹെല്ലാസ് വെറോണയെ 2-1ന് തോല്‍പ്പിച്ചാണ് ഇന്റര്‍ ലീഗിലെ തുടര്‍ച്ചയായ ഏഴാം ജയം നേടിയത്. അര്‍ജന്റീനയുടെ ലൗട്ടാരോ മാര്‍ട്ടിന്‍സ്, സക്രിനിര്‍ എന്നിവരാണ് ഇന്ററിനായി വലകുലിക്കിയത്. ലീഗില്‍ യുവന്റസ് ആറാം സ്ഥാനത്താണ്. റോമാ, സസുഓള, നപ്പോളി എന്നിവരാണ് മൂന്ന്, നാല്, അഞ്ച് സ്ഥാനങ്ങളില്‍ നിലകൊള്ളുന്നത്.

ഫ്രഞ്ച് ലീഗ് വണ്ണില്‍ പിഎസ്ജിക്ക് വന്‍ ജയം. സ്‌ട്രോസ്ബര്‍ഗിനെ എതിരില്ലാത്ത നാല് ഗോളിനാണ് പിഎസ്ജി തോല്‍പ്പിച്ചത്. ജയത്തോടെ പിഎസ്ജി മൂന്നാം സ്ഥാനത്തെത്തി. ലിയോണും ലില്ലെയുമാണ് ഒന്നും രണ്ടും സ്ഥാനത്ത്. പെംബലേ, എംബാപ്പെ, ഗുയേ, മോയിസ് കീന്‍ എന്നിവരാണ് പിഎസ്ജി സ്‌കോറര്‍മാര്‍.