ചാംപ്യന്‍സ് ലീഗ്; ലിവര്‍പൂളും അയാകസും പ്രീക്വാര്‍ട്ടറില്‍

ആന്‍ഫീല്‍ഡ്: ചാംപ്യന്‍സ് ലീഗിലെ തുടര്‍ച്ചയായ നാല് ജയങ്ങളുമായി ലിവര്‍പൂള്‍ പ്രീക്വാര്‍ട്ടര്‍ ഉറപ്പിച്ചു. ഇന്ന് ഗ്രൂപ്പ് ബിയില്‍ നടന്ന മല്‍സരത്തില്‍ അത്‌ലറ്റിക്കോ മാഡ്രിഡിനെ എതിരില്ലാത്ത രണ്ട് ഗോളിന് പരാജയപ്പെടുത്തിയാണ് ചെമ്പട അവസാന 16ലേക്ക് കടന്നത്.ഡീഗോ ജോട്ടാ, സാദിയോ മാനെ എന്നിവര്‍ ആദ്യ പകുതിയില്‍ നേടിയ ഗോളുകളാണ് ലിവര്‍പൂളിന് ജയമൊരുക്കിയത്. രണ്ട് ഗോളിനും വഴിയൊരുക്കിയത് അലക്‌സാണ്ടര്‍ അര്‍നോള്‍ഡ് ആണ്.

ഇതേ ഗ്രൂപ്പില്‍ നടന്ന എഫ് സി പോര്‍ട്ടോ- എസി മിലാന്‍ മല്‍സരം സമനിലയില്‍ കലാശിച്ചു.

ഗ്രൂപ്പ് സിയില്‍ നിന്ന് ഡച്ച് ക്ലബ്ബ് അയാകസും പ്രീക്വാര്‍ട്ടറിലേക്ക് കടന്നു. തുടര്‍ച്ചയായ നാല് ജയങ്ങളാണ് അയാകസിന്റെ അക്കൗണ്ടിലുള്ളത്. ഡോര്‍ട്ട്മുണ്ടിനെ 3-1ന് വീഴ്ത്തിയാണ് അയാകസ് അടുത്ത റൗണ്ടിലേക്ക് പ്രവേശിച്ചത്. ഗ്രൂപ്പ് സിയില്‍ ഡോര്‍ട്ട്മുണ്ട്, സ്‌പോര്‍ട്ടിങ് ലിസ്ബണ്‍ എന്നീ ക്ലബ്ബുകള്‍ക്ക് ആറ് പോയിന്റ് വീതമാണുള്ളത്. ഇരുവരും രണ്ടും മൂന്നും സ്ഥാനങ്ങളില്‍ നില്‍ക്കുന്നു.