ഇരട്ട അസിസ്റ്റുമായി മെസ്സി; വന്‍ ലീഡുമായി പിഎസ്ജി

പാരിസ്: ഫ്രഞ്ച് ലീഗ് വണ്ണില്‍ പിഎസ്ജിക്ക് തകര്‍പ്പന്‍ ജയം.സെയ്ന്റ് എറ്റീനെയ്‌ക്കെതിരായ മല്‍സരത്തില്‍ 3-1ന്റെ ജയമാണ് ടീം നേടിയത്. മല്‍സരത്തില്‍ രണ്ട് അസിസ്റ്റുമായി മെസ്സി തിളങ്ങി. മെസ്സിയുടെ രണ്ട് അസിസ്റ്റും ഗോളാക്കിയത് കിലിയന്‍ എംബാപ്പെയാണ്. എംബാപ്പെയ്ക്ക് പുറമെ ഡാനിയോലയും പിഎസ്ജിയ്ക്കായി സ്‌കോര്‍ ചെയ്തു. ഡാനിയോലയുടെ ഗോളിന് വഴിയൊരുക്കിയത് എംബാപ്പെയാണ്. 3-1ന്റെ ജയത്തോടെ പിഎസ്ജി ഒന്നാം സ്ഥാനത്തെ ലീഡ് 16 പോയിന്റാക്കി.

ഇന്നത്തെ ഇരട്ട ഗോള്‍ നേട്ടത്തോടെ എംബാപ്പെ പിഎസ്ജിയുടെ എക്കാലത്തെയും മികച്ച രണ്ടാമത്തെ ടോപ് സ്‌കോറര്‍ ആയ സാള്‍ട്ടണ്‍ ഇബ്രാഹിമോവിച്ചിനൊപ്പമെത്തി(156 ഗോള്‍).എഡിസണ്‍ കവാനിയാണ് പിഎസ്ജിയുടെ ടോപ് സ്‌കോറര്‍(200).