യു എസ് ഓപ്പണ്‍; റഫയുടെ പ്രയാണം അവസാനിപ്പിച്ച് ഫ്രാന്‍സിസ് ടിയാഫോ

ന്യൂയോര്‍ക്ക്: യു എസ് ഓപ്പണ്‍ കിരീടം ലക്ഷ്യം വച്ച് വന്ന ടോപ് സീഡ് സ്‌പെയിനിന്റെ റാഫേല്‍ നദാല്‍ പ്രീക്വാര്‍ട്ടറില്‍ പുറത്തായി.അമേരിക്കയുടെ ലോക 24ാം റാങ്കുകാരന്‍ ഫ്രാന്‍സിസ് ടിയാഫോയാണ് നദാലിന്റെ കുതിപ്പിന് തടയിട്ടത്. സ്‌കോര്‍ 6-4, 4-6, 6-4, 6-3. ഈ സീസണില്‍ ഓസ്‌ട്രേലിയന്‍ ഓപ്പണും ഫ്രഞ്ച് ഓപ്പണും നേടിയ നദാല്‍ യു എസ് ഓപ്പണ്‍ നേടുമെന്ന ആത്മവിശ്വാസത്തിലായിരുന്നു. പരിക്കിനെ തുടര്‍ന്ന് വിംബിള്‍ഡണ്‍ സെമിയില്‍ നിന്ന് താരം പിന്‍മാറിയിരുന്നു. ലോക ഒന്നാം നമ്പര്‍ ഡാനിയേല്‍ മെദ്വദേവ് കഴിഞ്ഞ ദിവസം പുറത്തായിരുന്നു.