കുവൈത്തില്‍ കുമ്പള സ്വദേശി കൊവിഡ്ബാധിച്ച് മരിച്ചു

കുവൈത്ത് സിറ്റി: കുവൈത്തില്‍ മലയാളി കൊവിഡ്ബാധിച്ചു മരിച്ചു. കാസര്‍കോഡ് കുമ്പള സ്വദേശി മുഹമ്മദ് അബൂബക്കര്‍ ഷിറിയ(57)യാണ് മരിച്ചത്. ഫര്‍വാനിയ ആശുപത്രിയിലായിരുന്നു അന്ത്യം. കുവൈത്ത് വിമാനത്താവളത്തില്‍ റെന്റ് എ കാര്‍കമ്പനിയില്‍ ജോലി ചെയ്യുകയായിരുന്നു. മെയ് 11നാണ് കൊവിഡ് ലക്ഷണങ്ങളോടെ ആശുപത്രിയില്‍ പ്രവേശിപ്പിച്ചത്.പരേതരായ അബ്ദുല്‍ ഗഫൂര്‍ മമ്മിയുടെയും ഖദീജയുടെയും മകനാണ്. ഭാര്യ: ഫാത്തിമത് സുഹ്‌റ. മക്കള്‍: മുഹമ്മദ് അബ്‌നാസ്, മുഹമ്മദ് അബ്‌റാസ്, ഖദീജ. സഹോദരങ്ങള്‍ മഹമൂദ്(സൗദി അറേബ്യ), ആയിഷ, നഫീസ.