പ്രമുഖ ഇസ് ലാമിക പണ്ഡിതന്‍ ഡോ. ഫസലുര്‍ റഹ്മാന്‍ മദനി അന്തരിച്ചു

മലേഗാവ്: പ്രമുഖ ഇസ് ലാമിക പണ്ഡിതനും മുഫ്തിയും മലേഗാവ് ജാമിഅ മുഹമ്മദിയ്യ മന്‍സൂറ മുന്‍ പ്രിന്‍സിപ്പലുമായ ഡോ. ഫസലുര്‍റഹ്മാന്‍ മദനി അന്തരിച്ചു. 72 വയസ്സായിരുന്നു. വെള്ളിയാഴ്ച പുലര്‍ച്ചെ രണ്ടോടെ മലേഗേവിലെ ഇഖ്‌റ ആശുപത്രിയിലായിരുന്നു അന്ത്യം. ഒരു മാസം മുമ്പ് കൊവിഡ് പോസിറ്റീവ് ആയതിനെ തുടര്‍ന്നാണ് ഇദ്ദേഹത്തെ ആശുപത്രിയില്‍ പ്രവേശിപ്പിച്ചതെന്ന് മകന്‍ പറഞ്ഞു. കഴിഞ്ഞയാഴ്ച ആശുപത്രി വിട്ടെങ്കിലും ആരോഗ്യസ്ഥിതി പിന്നീട് വീണ്ടും മോശമായി. ഉത്തര്‍പ്രദേശിലെ ബല്‍റാംപൂര്‍ ജില്ലയില്‍ ജനിച്ച ഡോ. ഫസലുര്‍ റഹ്മാന്‍ മദനി ഇസ് ലാമിക് യൂനിവേഴ്‌സിറ്റി ഓഫ് മദീനയില്‍ നിന്നാണ് പിഎച്ച്ഡി നേടിയത്. ഇസ്ലസ് ലാമിക കര്‍മ്മശാസ്ത്രത്തിലായിരുന്നു വൈദഗ്ധ്യം. മൂന്ന് ആണ്‍മക്കളും മൂന്ന് പെണ്‍മക്കളുമുണ്ടായിരുന്നു. മൂന്ന് വര്‍ഷം മുമ്പ് ഭാര്യ മരണപ്പെട്ടു.

Islamic Scholar Dr Fazlur Rahman Madani Passes Away