ആവിക്കല്‍തോട്- കോതി കേസുകള്‍ പിന്‍വലിക്കണം: കെ ഷമീര്‍

കോഴിക്കോട്: കക്കൂസ് മാലിന്യസംസ്‌കരണ കേന്ദ്രം ജനവാസ കേന്ദ്രത്തില്‍ നിന്ന് സാങ്കേതിക കാരണങ്ങളാല്‍ നിര്‍ത്തലാക്കിയ പശ്ചാത്തലത്തില്‍ ആവിക്കല്‍തോട്- കോതി സമരത്തിന്റെ പേരില്‍ എടുത്ത കേസുകള്‍ പിന്‍വലിക്കണമെന്ന് എസ്ഡിപിഐ ജില്ലാ സെക്രട്ടറി കെ ഷമീര്‍ ആവശ്യപ്പെട്ടു. നിരപരാധികളായ നിരവധി പേര്‍ക്കാണ് മര്‍ദ്ദനങ്ങള്‍ ഏല്‍ക്കേണ്ടിവന്നത്. സ്ത്രീകളും വയോധികരും കുട്ടികളും യുവാക്കളും ക്രൂരമായ പോലിസ് നടപടികള്‍ക്കിരയായി. അനവധി കേസുകള്‍ അന്യായമായി ചുമത്തപ്പെട്ടു. നാടിന്റെ നന്‍മയ്ക്കായി പ്രവര്‍ത്തിച്ച തീരദേശവാസികളും അവര്‍ക്കൊപ്പം നിന്ന സാമൂഹിക പ്രവര്‍ത്തകര്‍ക്കുമെതിരേ ചുമത്തിയ മുഴുവന്‍ കേസുകളും പിന്‍വലിക്കണമെന്ന് അദ്ദേഹം ആവശ്യപ്പെട്ടു.