കോഴിക്കോട് ജില്ലയില്‍ 249 പേര്‍ക്ക് കൊവിഡ്; രോഗമുക്തി 338, ടി.പി.ആര്‍: 4.59 ശതമാനം

കോഴിക്കോട്: ജില്ലയില്‍ ഇന്ന് 249 കൊവിഡ് പോസിറ്റീവ് റിപ്പോര്‍ട്ട് ചെയ്തതായി ജില്ലാ മെഡിക്കല്‍ ഓഫിസര്‍ ഡോ. ഉമ്മര്‍ ഫാറൂഖ് അറിയിച്ചു. സമ്പര്‍ക്കം വഴി 246 പേര്‍ക്കും ഉറവിടം വ്യക്തമല്ലാത്ത 2 പേര്‍ക്കും ഒരു ആരോഗ്യ പരിചരണ പ്രവര്‍ത്തകയ്ക്കുമാണ് രോഗം ബാധിച്ചത്. 5429 പേരെ പരിശോധനക്ക് വിധേയരാക്കി. ജില്ലയിലെ കോവിഡ് ആശുപത്രികള്‍, എഫ്.എല്‍.ടി.സികള്‍, വീടുകള്‍ എന്നിവിടങ്ങളില്‍ ചികിത്സയിലായിരുന്ന 338 പേര്‍ കൂടി രോഗമുക്തി നേടി. 4.59 ശതമാനമാണ് ടെസ്റ്റ് പോസിറ്റിവിറ്റി നിരക്ക്. രോഗം സ്ഥിരീകരിച്ച് 2772 പേരാണ് ചികിത്സയിലുള്ളത്. പുതുതായി വന്ന 813 പേര്‍ ഉള്‍പ്പടെ 15376 പേര്‍ ഇപ്പോള്‍ നിരീക്ഷണത്തിലുണ്ട്. ഇതുവരെ 1200234 പേര്‍ നിരീക്ഷണം പൂര്‍ത്തിയാക്കി. 4278 മരണങ്ങളാണ് ഇതുവരെ കൊവിഡ് മൂലമെന്ന് റിപ്പോര്‍ട്ട് ചെയ്യപ്പെട്ടിട്ടുള്ളത്.

സ്ഥിതി വിവരം: രോഗം സ്ഥിരീകരിച്ച് ചികിത്സയിലുളളവര്‍-2772. നിലവില്‍ ജില്ലയിലെ കൊവിഡ് ആശുപത്രികള്‍, എഫ്എല്‍ടിസികള്‍ എന്നിവിടങ്ങളില്‍ ചികിത്സയിലുളളവര്‍-സര്‍ക്കാര്‍ ആശുപത്രികള്‍ 50,സെക്കന്റ് ലൈന്‍ ട്രീറ്റ്‌മെന്റ് സെന്ററുകള്‍ 13,ഫസ്റ്റ് ലൈന്‍ ട്രീറ്റ്‌മെന്റ് സെന്ററുകള്‍ 0,സ്വകാര്യ ആശുപത്രികള്‍ 130,പഞ്ചായത്ത് തല ഡോമിസിലറി കെയര്‍ സെന്റര്‍ 0,വീടുകളില്‍ ചികിത്സയിലുളളവര്‍ 2330.