ഹിമാചലിലെ പടക്കനിര്‍മാണശാലയില്‍ തീപിടിത്തം; 6 മരണം

ഉന; ഹിമാചല്‍ പ്രദേശിലെ ഉനയില്‍ പ്രവര്‍ത്തിക്കുന്ന പടക്ക നിര്‍മാണ ശാലയില്‍ തീപിടിത്തം. ബാത്രി വ്യവസായ മേഖലയിലെ പടക്കനിര്‍മാണ ശാലയിലാണ് തീപിടിത്തമുണ്ടായത്. സംഭവത്തില്‍ ആറ് പേര്‍ മരിച്ചു.

പ്രാദേശിക പോലിസ് നല്‍കുന്ന വിവരമനുസരിച്ച് 12 പേര്‍ക്ക് ഗുരുതരമായി പരിക്കേറ്റിട്ടുണ്ട്. പരിക്കേറ്റവരെ ആശുപത്രിയിലേക്ക് മാറ്റി.

'സംഭവം നടന്നയുടന്‍ പോലിസ് സ്ഥലത്തെത്തി. തീപിടിത്തത്തിന്റെ കാരണം അന്വേഷിക്കുന്നുണ്ട്. ലഭിച്ച വിവരമനുസരിച്ച്, ആറ് പേര്‍ മരിക്കുകയും 12 ഓളം പേര്‍ക്ക് പരിക്കേല്‍ക്കുകയും ചെയ്തു, അവരെ ചികിത്സയ്ക്കായി ഉന പ്രാദേശിക ആശുപത്രിയിലേക്ക് അയച്ചിട്ടുണ്ട്. ..'- ഉന പോലിസ് സൂപ്രണ്ട് അര്‍ജിത് സെന്‍ താക്കൂര്‍ മാധ്യമങ്ങളോട് പറഞ്ഞു.