സെബാസ്റ്റിന്‍ ഹാലര്‍ക്ക് ട്യുമര്‍; താരം ക്ലബ്ബ് വിട്ടു

ബെര്‍ലിന്‍: ഐവറികോസ്റ്റിന്റെ ഡോര്‍ട്ട്മുണ്ട് താരം സെബാസ്റ്റിന്‍ ഹാലര്‍ക്ക് ട്യുമര്‍. താരത്തിന്റെ വൃഷണത്തില്‍ ട്യുമര്‍ കണ്ടെത്തുകയായിരുന്നു. ബോറൂസിയാ ഡോര്‍ട്ട്മുണ്ട് ആണ് ഇക്കാര്യം അറിയിച്ചത്. താരം പ്രീസീസണ്‍ ക്യാംപില്‍ പങ്കെടുക്കുകയായിരുന്നു.തുടര്‍ന്നുണ്ടായ ആരോഗ്യപ്രശ്‌നങ്ങള്‍ക്ക് ശേഷം നടത്തിയ പരിശോധനയിലാണ് ട്യുമര്‍ കണ്ടെത്തിയത്. ഡോര്‍ട്ട്മുണ്ട് പുതിയ സീസണിലേക്ക് അയാകസില്‍ നിന്നും കണ്ടെത്തിയ താരമാണ് ഹാലര്‍. രോഗത്തെ തുടര്‍ന്ന് താരം താല്‍ക്കാലികമായി ക്ലബ്ബ് വിട്ടു.