കുംഭമേളയ്ക്ക് പോയ ചെങ്ങന്നൂർ സ്വദേശിയെ കാണാനില്ല

ആലപ്പുഴ: കുംഭമേളക്ക് പോയ ചെങ്ങന്നൂർ സ്വദേശിയെ കാണാനില്ലെന്ന് പരാതി. ആലപ്പുഴ ചെങ്ങന്നൂര്‍ കൊഴുവല്ലൂര്‍ സ്വദേശി ജോജു ജോര്‍ജി(43)നെയാണ്‌ കാണാതായത്. ഫെബ്രുവരി ഒമ്പതിന് കുംഭമേളക്കായി പോയ ഇയാൾ സുഹൃത്തിനൊപ്പം പ്രയാഗ് രാജിലേക്കാണ് ആദ്യം പോയത്.

കുടുംബവുമായി ഒരു തവണ സുഹൃത്തിൻ്റെ ഫോണിൽ നിന്നു ബന്ധപ്പെട്ട ഇയാൾ തൻ്റെ ഫോൺ കേടാണെന്നു അറിയിച്ചു. ദിവസങ്ങൾക്കു ശേഷം സുഹൃത്ത് ഒറ്റക്കാണ് വീട്ടിൽ തിരിച്ചെത്തിയത്. അവിടെ നിന്നും ജോജുവിനെ കാണാതായി എന്നാണ് ഇയാൾ പറയുന്നത്. സംശയം തോന്നിയ ബന്ധുകൾ പോലിസിൽ പരാതി നൽകി.