ആര്‍എസ്എസ് അക്രമം നടത്തുന്നത് ദുര്‍ബലവിഭാഗങ്ങള്‍ക്കെതിരേ: ഷുഹൈബ് കണ്ണൂര്‍

പയ്യോളി: ദുര്‍ബലവും അസംഘടിതരുമായ വിഭാഗങ്ങള്‍ക്കെതിരേയാണ് ആര്‍എസ്എസ് ആക്രമണം അഴിച്ചുവിടുന്നതെന്ന് പോപുലര്‍ ഫ്രണ്ട് ഓഫ് ഇന്ത്യ സംസ്ഥാ സമിതി അംഗം ശുഹൈബ് കണ്ണൂര്‍. 'അസം മുസ്‌ലിം വംശഹത്യയ്ക്ക് കളമൊരുങ്ങുന്നു വംശവെറിയന്‍മാരെ കരുതിയിരിക്കുക' എന്ന കാംപയിന്റെ ഭാഗമായി പോപുലര്‍ ഫ്രണ്ട് കൊയിലാണ്ടി ഏരിയാ കമ്മിറ്റി പയ്യോളി ടൗണില്‍ നടത്തിയ പൊതുയോഗത്തില്‍ സംസാരിക്കുകയായിരുന്നു അദ്ദേഹം.

ഇന്ത്യയുടെ മതേതരത്വവും ജനാധിപത്യവും സംരക്ഷിക്കാന്‍ പോപുലര്‍ ഫ്രണ്ട് എന്നും മുന്നിലുണ്ടാവും. നീതിയുടെ പക്ഷം നില്‍ക്കാന്‍ ബുദ്ധിയും വിവേകവും പണയംവയ്ക്കാത്ത പൊതുസമൂഹം മുന്നോട്ടുവരണമെന്നും അദ്ദേഹം പറഞ്ഞു. ഏരിയാ സെക്രട്ടറി ഷമീര്‍ അത്തോളി അധ്യക്ഷത വഹിച്ചു. ഖലീല്‍ നന്തി, ഷംസീര്‍ പള്ളിക്കര സംസാരിച്ചു.